Friday, March 20, 2009

يوم 6 إبريل إضراب عام لشعب مصر



بيان حركة شباب 6 ابريل : يوم 6 ابريل اضراب عام لشعب مصر


لقد كان يوم السادس من إبريل في العام الماضي يوما فارقا في التاريخ المصري الحديث حيث انتفضت الجماهير المصرية ضد غلاء الأسعار الناتج عن سياسات هذا النظام الفاسد المستبد وقد تكلل هذا اليوم بانتفاضة أهالي المحلة المباركة ضد عصا الأمن العمياء .. بدأت دعوة الإضراب من عمال شركة غزل المحلة للغزل والنسيج وتضامن مع هذه الدعوة شباب 6 إبريل وكافة القوى الوطنية فقمنا بنشرها على نطاق واسع من خلال كافة المواقع والمنتديات على شبكة الانترنت ومن ضمنها جروب الفيس بوك الذي اشترك فيه عددا هائلا من الشباب تجاوز السبعين ألفا.

وتعيش مصر هذه الأيام في ظل حالة غليان واحتقان شعبي عام ضد الظروف الاقتصادية بالغة السوء التي يتعرض لها المواطن المصري البسيط حيث يتعرض بشراسة لعملية إفقار منظمة من قبل الدولة وتوزيع غير عادل للثروة القومية التي تحتكرها قلة من رجال الأعمال والمنتفعين بسياسات الحزب الوطني اللاديمقراطي مما أدى إلى جعل أغلبية المصريين تحت خط الفقر ،وأصبح المواطن يحيا في ظل متناقضات كثيرة فيرى طائرات رجال الأعمال بينما يغرق في عبارة الموت أو يُحرق في قطار الصعيد .. يرى فيلات وقصور مارينا وشرم الشيخ بينما تنهار فوق رأسه ورأس أبنائه عشش الدويقة ، يعاني المواطن من قلة وندرة فرص العمل والتي وإن وجدت فلا يوفر له دخلها المتطلبات الأساسية لحياة الإنسان كالمأكل والملبس والمسكن والحياة بكرامة واطمئنان على مستقبله ومستقبل أبنائه، يعاني المواطن من تدهور واضح في الخدمات الأساسية كالتعليم والصحة وارتفاع تكاليفها مما يحمله طاقات فوق مرتبه البسيط إن وجد !

ومنذ السادس من إبريل الماضي انتشرت موجة واسعة من الاضرابات المطلبية في كل أنحاء البلاد تجاوزت الألف إضراب حتى ديسمبر من العام الماضي وإيمانا منا بأنه لن تحقق أي فئة مطالبها وحدها بمعزل عن باقي فئات الشعب المصري حيث أن المشكلة الرئيسية التي تواجه تقدم هذا الوطن وتحقيق قدر معقول من الحياة الكريمة لمواطنيه هي الفساد والاستبداد اللذان خلقا على يد هذا النظام القابع على صدورنا يمتص ثروات البلاد ويجرف الأصول الانتاجية ويمارس القهر السياسي والكبت العام للحريات والتزوير المنتظم لكل الانتخابات سواء التشريعية والنقابية وحتى اتحادات الطلاب وإنه لا بديل لإصلاح هذا الوطن إلا بالتخلص من عصابة الفساد والاستبداد التي تغتصب السلطة وتنهب ثروات الوطن منذ أكثر من ربع قرن من الزمان .. لذا فإننا ندعو الشعب المصري العظيم بكل فئاته وهيئاته وقادة الاحتجاجات العمالية والنقابية إلى جعل يوم 6 ابريل القادما يوما للإضراب العام لشعب مصر كأحد الخطوات الرئيسية على طريق العصيان المدني السلمي والذي نراه طريقا وحيدا للتغيير وللخلاص من حكم هذا النظام الفاسد.

ولتكن مطالبنا في هذا اليوم :

أولا : حد أدنى للأجور 1200 جنيه بما يضمن أن يحيا المواطن بكرامة ويشعر بالأمان على مستبقله ومستقبل أبناؤه.

ثانيا : ربط الأجور بالأسعار

ثالثا : انتخاب جمعية تأسيسية لوضع دستور جديد للبلاد يضمن الحريات السياسية والنقابية ويحدد فترة الرئاسة بمدتين على الأكثر.

رابعا : وقف تصدير الغاز ” لإسرائيل “

منذ اليوم انتهى عهد الصمت والخضوع للذل والفساد .. شارك في الإضراب من أجل أبنائك .. من أجل حياة كريمة لكل مواطن .. من أجل مستقبل وطننا


شباب حر

شباب بيحب مصر

حركة شباب 6 ابريل

Thursday, March 12, 2009

بعد الحكم على ممدوح اسماعيل بـ 7 سنوات في قضية العباره أهالي الضحايا لا طالوا عنب الشام ولا بلح اليمن


ممدوح إسماعيل صاحب عبار السلام

قضت محكمة جنح مستأنف سفاجا في 11 مارس برئاسة المستشار خالد بدرالدين رئيس المحكمة بالحكم غيابيا بالسجن 7
سنوات مع الشغل للمتهم الأول ممدوح إسماعيل رئيس مجلس إدارة شركة الملاحة و3 سنوات مع الشغل لكل من ممدوح عرابى مدير الأسطول البحرى بالشركة ونبيل السيد شلبى مدير فرع شركة الملاحة بسفاجا وإلزامهم بالمصاريف والمتهمين فى غرق العبارة السلام 98 والتى راح ضحيتها 1033 راكبا وإصابة 377 آخرين فى فبراير 2006.

وقضت المحكمة برفض الإستئناف المقدم بشأن باقى المتهمين وتأييد الحكم الصادر بشأن صلاح جمعه ربان السفينة سانت كاترين وبراءة عمرو ممدوح إسماعيل ومحمد عماد الدين أبوطالب نائب رئيس مجلس الإدارة.

وجهت المحكمة للمتهمين الثلاثة تهم القتل الخطأ والتراخى والإهمال فى إنقاذ الضحايا وتركهم على مدى 36 ساعة يصارعوا الأمواج مما ساعد على إرتفاع عددهم وذلك أستنادا لنص المادتين 238 و244 من قانون العقوبات .

.........................................

وفي نظره سريعه على الحكم نرى الاتي :

الحكم على ممدوح اسماعيل بالسجن 7 سنوات .. يعني بحسبه بسيطه واخد يومين ونص على كل ضحيه

لأن 366 يوم وهم عدد أيام السنه مضروبه في 7 سنوات وهي عدد السنين المحكوم بها غيابيا على ممدوح إسماعيل مقسم الناتج على 1033 وهو عدد ضحايا العباره يكون الناتج يومين ونص

366 × 7 = 2562 ÷ 1033 = 2.4

يعنى يومين ومش مكملين النص كمان لكل قتيل ولو اتنفذ الحكم لا قدر الله ممكن ربنا يكرمه ويخرج بعد نص المده ، ولا عزاء لأسر الضحايا

يعني ممكن الضحيه يقف بيوم وربع يا بلاش

.........................................

طبعا الحسبه الي فاتت دي لو كانت بحساب ان سنة السجن تساوي 12 شهر

.........................................

لكن المعروف ان سنة السجن بـ 9 شهور

يبقى نعيد الحسبه تاني كده من جديد ببساطه

يعني 9 شهور في 30 يوم في 7 سنين مقسم على 1033

9×30 = 270 × 7 = 1890 ÷ 1033 = 1.8

يعنى مش مكملين يومين كمان لكل قتيل ولو اتنفذ الحكم لا قدر الله ممكن ربنا يكرمه ويخرج بعد نص المده برضه، ولا عزاء لأسر الضحايا

يعني ممكن الضحيه يقف بيوم الا ربع يا بلاش

.........................................

طبعا الكلام الي فوق دا كله ملوش لازمه لا هو ولا الحكم لان الباشا بسلامته عايش بره في لندن
مين بقى يجيبه من بره
الله أعلم

يعني ممدوح إسماعيل هربان بره يعني الحكم مش هيتنفذ ولو لا قدر الله حكومتنا صحي ضميرها لا قدر الله ورجعته مصر هيطبق عليه بحنيه على طريقة يا حونين على الوسط يا استك

يعني بالعربي الفصيح الحكم حبر على ورق


يعني الضحايا لا طالواعنب الشام ولا بلح اليمن


ولا أراكم الله مكروها في عزيز لديكم

الفـــــــــــــــــــــاااااااا تحه

Tuesday, March 10, 2009

ليه إحنا بنحب مصر



مصر هي أمي نيلها هو دمي شمسها فـ سماري ... مش عارف ايه كده في ملامحي حتى لوني قمحي لون خيرك يا مصر

يا سلاااام ... صباح الوطنيه

في الخلفية موسيقى أغنية وبحبك وحشتيني للرائع حسين الجاسمي

عاش والله الي كتب الكلمتين دول منتهى الإندماج بين المواطن المصري ومصر ، مصر أمي والنيل دمي وشكلي ولوني وكل حاجه مختلطه بمصر

بس اشمعنى مصر ؟
ما أرض الله واسعه وكلها أرض الله !!
ليه بقى مصر بالذات ؟؟
ليه حتى لو ربنا سهلها ولقينا نفسنا في حته تانيه من أرض الله الواسعه بنحس بحنين لمصر؟
وتبقى في ايدينا كل حاجه وعنينا تتملى من كل حاجه وقلبنا يفضل في مصر !!

تعود للخلفية مرة أخرى أغنية وبحبك وحشتيني للرائع حسين الجاسمي

وتلاقي يا أخي المصري على قهو في اسطانبول ، أو في جنيه في لندن ، أو تحت شمسيه في مطعم طلياني فوق الجبل
والدنيا من حواليه نضافه وزوق ولطافه وحاجه تغيظ على رأي عمنا (بيرم التونسي)
وتلاقيه برضه بيقول : بس مصر بنت الكلب وحشتني .

لو كان الوطن مجرد مكان ناكل فيه ونشرب ونتناسل على أرضه - نتجوز ونجيب عيال يعني - كان يبقى أي مكان في الدنيا أحسن من مصر
لان نص دول الكره الأرضيه على الأقل أكلها وشربها وستاتها ورجالتها كمان أحلى من مصر :)

تبقى مش المنفعه لوحدها .. أكيد في سر تاني

.. تركيا هي أمي وأي نهر من الأربعين نهر الي فيها هو دمي وشمسها فـ سماري برضه ... ومش عارف ايه كده في ملامحي حتى لوني قمحي لون خيرك يا تركيا
اه مهي تركيا بتزرع القمح فعلا مش بتستورده

بس مش ماشيه برضه ، فيه حاجه ناقصه ، مصر بنت الكلب الي في قلبي دي اعمل فيها ايه ؟

حتة الصحرا الي واقعه في ملطش للي رايح والي جاي يحتلها ، والي الفرص فيها بالقطاره والقطاره مش في ايدينا كمان
والي بقت عامله زي مقاولة الهدد كل عيل شايل منها قالب طوب وبيجري
وحتى الشعب الي لونه قمحي والي كان مالي الدنيا ضحك بقى دمه تقيل ...
ليه بقى حازه فـ نفسي كده ؟
ليه مش عارف استأصل نفسي منها أو استأصلها من نفسي ؟

مراية الحب عامية
دا صحيح
عاميه وبنت كلب كمان
مهو حبيبتك مثلا مش ممكن تكون أحلى بنت في الدنيا
الواحد مننا بيحب قرده وبيتهيأله لو غابت عن نظره هيروح فيها
والدنيا كلها واصحابه وأهله يبقوا شايفين إنها (صندل) ما عدا هو يبقى شايفها ملاك نازل من السما وماشي ع الأرض وخساره فينا إن إحنا نبص على جمالها

ويمكن تكون هي دي المشكله

إننا بنحب مصر وبنطلتش في غرامها
قبل ما نعرف إن فيه بلد تانيه اسمهااااا تركيا

بنحب القهاوي بتاعتها قبل ما نسمع عن قهاوي باريس

بنحب ترابها قبل ما نعرف ان فيه اوطان تانيه نضيفه مفيهاش تراب أصلا

وبندهول في غرام (التابعي و اخر ساعه) - مطاعم فول وطعميه مشهوره - قبل ما نعرف ان مطاعم إيطاليا فيها أكل بني ادمين
وان الفول والطعميه والمسقعه دي أصلا علف :)

وبنعشق هواها قبل ما حد يقولنا ان احنا عايشين جوه واحده من أكبر بؤر التلوث في العالم كله

وبنحب بنت الجيران أو زميلتنا في الجامعه قبل ما نفوق على الحقيقه المره إن نسبة الذكور في مصر 100%100 :)

وبنمشي في الدنيا ومصر متعلقه في دراعتنا واحنا فاخورين بيها وفراحنين وحاسيين إنها ملاك نازل من السما وماشي على الأرض وخساره في أي حد أنه يبص على جمالها

قال والناس كانت فاهمه ان حب الوطن حسابات بتحصل في العقل اتاريه طلع غرام في غرام في غرام وكل الي فاهمه منه ان لما سيرة مصر بتيجي في الكلام جسمي بيقشعر وشعر ايدي بيقف وبحس ان دمي اتحرق

يسلااااااااااام يا ولاد دا حب مصر ... حب مصر طلع فيه هرمونات اكتر من هرمونات البلوغ والمراهقه والحب الأول

وكل يوم بحبك أكتر من الي فات ، مش عقل ولا مصالح دي بس هرمونات

وتستمر أغنية الرائع حسين الجاسمي وبحبك وحشتيني في الخلفيه لحد ما النوم يكبس


................

مع تحيات

تيت : صوت الجاليه المصريه في مصر

Friday, February 13, 2009

هتحتفل بالفلانتاين ولا happy valentine day

بكره سيحل علينا يوم 14/2

عارف يعني ايه اربعتاشر اتنين ؟

أكيد عارف

لا مش يوم اغتيال الحريري يا فصيح

قبلها بزمااااان

كان هناك فالنتاين راهب كان بيحب واحده واتعدم في الاخر هو وهي

اللي يهمني في الموضوع هنا حاجتين

أصل الموضوع

ونتايج الموضوع

من الواضح اننا نملك كالتشر جاب أي هوة ثقافية كبيرة جدا بين التواصل مع شباب

الجيل اللي هم احنا واللي انا مفترض شخص منهم

وبين الموروثات الثقافية التي تربينا عليها من جهة أخرى

تلك الموروثات التي فيها العيد الصغير والعيد الكبير

وبعدها عرفنا عيد الام

وفرحنا بأجازة عيد العمال

ووقفنا على كده

كبرنا شوية وقالوا علينا مراهقين وعيب ومينفعش

وقتها بحكم السن انجذبنا للآخر بكافة أنواعه وأشكاله

وبالتالي عرفنا معنى كلمة الحب

مش حب بابا ولا ماما ولا اخواتي

مش الحب في الله اللي بنعرفه وبنفرح به بصدق لحد دلوقتي

لكن حب من نوع اخر

حب كان غريب علينا لدرجة انه كان له .. عيد

آي والله عيد

عيد على اسمه

بتغلى فيه الحاجات الحمرا بكافة اشكالها

حتى انا اتساءل فعلا اذا كانت الطماطم او القوطة او البنادورا ( لازم التنويع في الاسماء

لتعدد الثقافات اللي عندي .. مغرور بقى ) اتساءل اذا كانت بتغلى هي كمان وللا لا

لكن على كل حال

في تلك الفترة عرفنا ماذا يعني عيد الحب

وكيف يحتفل به الحبيبة او العشاق او ايا كانت مسمياتهم

وبعيدا عن رأيي الشخصي الذي طبعا سأوضحه .. الا أنني أريد أن أحاول الاقتراب من

تلك القلوب الهفتانه

أحاول أن ألتمس من تفكيرهم بعض ما قد يعينني على فهمهم

عموما .. لنلق الان نظرة اقرب


شاب وفتاة يجلسان تحت شجرة ويتهامسان .. تلمح في وجنتيها حمرة الخجل وفي

عينية بريق الانتصار

في يديها وردة حمراء .. بالتأكيد أخذتها منه

وبين يديه .. تضع يديها

يحبها حقا ؟؟

أكاد أجزم أن نعم

ما الهدف ؟

بالنسبة له انه يحبها لأنه يحبها ولا سبب ولا هدف ولا مؤاخذة

بالنسبة لفرويد هو يحبها حب .. قلة ادب

بالنسبة لاعلامنا .. بيحبوا بعض وعاوزين في الخلفية اي اغنية رومانسية وشجره

واتنين لمون وفي الكادر حواليهم ورد ودباديب

بالنسبة لراسبوتين .. الواد ده حقير والبنت دي لعوب

بالنسبة لي أنا … الاتنين مش فاهمين حاجه

واحد بيحب ومش عارف ازاي .. لقى بنت عجبته وهو عجبها عملوا نفسهم بيموتوا على

بعض وكانت الصورة اللي وصفتها

وواحده ينقصها الكثيييييير من مشاعر الحب فأرادت أن تحصل عليها من هذا الفانكي

بنظرة او بابتسامة او حتى .. بشيء اخر

لكنها تريد أن تلتمس عنده القوة

أن تجد عنده الحنان

وأولا وأخيرا … أن يشعرها بالحب

الاتنين دول نشأوا في مجتمع محافظ نوعا ما

اما ان الغلط عندهم” حرام” .. ودي غالبية الشعب المصري

أو الغلط عندهم “عيب” .. ودي في طبقة معينة من الشعب .. لا تتجاوز الواحد في المائة

وبالتالي ففي قرارة نفسهم .. او على الاقل في تلافيف عقلهم الباطن هم عارفين انهم

غلطانين بشكل او باخر

بعد فترة ما تجاوزوا مرحلة الشعور بالذنب

وبعدها بدأوا بالاحساس بالاستقلالية وان حقهم انهم يحبوا ويكملوا حياتهم لوحدهم ..

وبناء على ذلك وجدناهم يريدون يوما يكونون فيه وحدهم

يوما يعبر فيه كل منهما للآخر عن حبه

يوما واحدا في السنة .. يجاريان فيه العالم كله

ويظهران فيه لنفسيهما مدى التواصل البيني بينهما وكذلك التواصل مع العالم الخارجي

وكان هذا اليوم .. هو يوم القديس .. فالنتين


أقرأ خبرا في شريط الاخبار في أحد القنوات الفضائيه .. مفاده أن العالم ينفق سنويا في

يوم الفالنتين ما يقارب 13 مليار دولار

فعلا .. نفسي اقول كلمة وحشه

بس أخلاقي متسمحليش



في فلسطين ميزاينة الدولة كاملة حكومة ورئاسة تساوي مليار دولار تقريبا يعني

يعني ما ينفق يوم الحب كما يسمونه في عام واحد .. يوازي انفاق الحكومة الفلسطينية

في ثلاثة عشر عاما

بعيدا عن التأصيل الشرعي لليوم ده اذا كان حلال او حرام

الا ان انا هسألك

لو انت جعان وبردان ولقيت واحد جارك بيشتري للأنتيماية بتاعته بجنيه .. مش هقول

بمتين وخمسين جنيه .. بقوللك بجنيه .. لقيته بيشتريلها ورده حمرا ..

انت مقدر قيمة الجنية وانت في بيتك - مع ان الجنيه معدش ليه قيمه دلوقتي عشان الواد

يوسف ابن اختي عنده حوالي سنتين وطلع يقول جنيه ونسي الحجات الصغيره الي كنا

بنطلبها واحنا عيال زمان زي البريزه والربع والذي منه -

لكن جارك مش هتفرق معاه

سؤالي .. انت هتستشعر الظلم وللا لا ؟

سؤال تاني .. تتوقع ان الاسلام يقبل من جارك حاجه زي كده وللا لا ؟

سؤال أخير .. لو انت مكان جارك .. كنت هتعمل زيه وللا هتفتكره وممكن تحن عليه

وتديله الجنيه ده ؟

انا فعلا مش عارف اقول ايه

بس فعلا تمانين في المائة من شعب مصر يعيش تحت خط دولارين لليوم زي ما

الإحصائات الخارجيه بتقول

يعني احنا بنتكلم على اللحمه كأنها حلم لتمانين في المائة من شعبنا المطحون

فتخيل احساس الاغلبية الساحقة وهي بتشوف ان في يوم واحد .. الفلوس دي بتتصرف

من غير حساب

دي كانت نقطة مهمه .. اني اعرف ليه بيحتفلوا بالفالنتين .. وازاي بيحتفلوا به

النقطة التانية اللي عاوز اركز عليها

هي نقطة اننا مثلا في مصر

نعيش في ظل نظام قمعي فاشل وابن ستين في سبعين ، نظام لا يرى الا نفسه ولا يعرف

عن شعبه الا انه اذا لم يجد الخبز فسيأكل الجاتوه

نعيش في ظل ذلك النظام الذي يسعى لتغييب شبابنا واعادة غسيل عقولهم بما يتوافق مع

المرحلة القادمة .. مرحلة الاستسلام الشامل

ذلك النظام الذي يعمل جاهدا على تبديل الاولويات واخفاء المسميات الدنيئة خلف الاسماء البراقة ..

واظهار اسماء بشعة لمسميات كانت يوما رمز عزتنا

ومن البديهي أن ندرك أن شيئا مثل عيد الحب قد يفيد النظام كثيرا أن يعلنه عيدا قوميا .. لما يعلم من نتائجة التدميرية .. وأعني بها التدميرية فعلا

لثوابت

وعقول

وأفكار

الشباب المفترض كونه عربي

وبالتالي .. أمامنا الان .. معركة ضارية .. يستخدم فيها النظام سلاح التغريب

ويستخدم فيها الغرب سلاح الاغراء

وعلى رأس ذلك السلاح .. يكمن الجنس .. والقلب

هذه كانت بعض الكلمات التي ينبغي أن أقولها

ومحاولة مني أن أتخيل مروري في الشارع المصري متحدثا عن عيد الحب وأنا أقول هابي فالنتاين

فقد وجدت تلك الردود

واحد مؤدب قاللي : يعني ايه فالنتاين ؟

واحد بدقن قعد يقولي كلام كتير وكان هيكفرني وانا واقف قبل ما امشي من قدامه

واحده موزه بيضه حلوه ردت عليا وقالتلي هابي فالنتاين تو يو تو

وأخيرا عامل .. جرى ورايا بمقشه وهو بيشتم ويلعن بعد اما قاللي مندهشا : فالن ايه يا

روح امك ؟؟؟

وسلام

وكل فلانتاين وانتوا طيبين

Thursday, February 12, 2009

مقارنة بين غزوة الأحزاب و معركة الفرقان ( حرب غزة )




أقدم لكم هذه المقارنة بين غزوة الأحزاب سنه 5 هجرية وبين حرب الفرقان سنه 1430 هجرية

1:الأسباب وطريقه التنفيذ:

غزوة الأحزاب : تحريض وتواطؤ من اليهود (المجاورين للمدينة) , وتم القتال بجيوش عربية

حرب الفرقان : تحريض وتواطؤ من العرب (المجاورين لغزة) , وتم القتال بجيش يهودي

2: الأهداف :

غزوة الأحزاب
: دخول المدينة والقضاء على الدولة الإسلامية

حرب الفرقان : دخول غزة والقضاء على حكومة حماس الإسلامية

3 :القوه العسكرية للطرفين:

غزوة الأحزاب : كانت قوة الأحزاب العسكرية أضعاف قوة الصحابة

حرب الفرقان : كانت قوة الجيش الإسرائيلي أضعاف مضاعفة لقوة القسام

4 :طريقة الدفاع والصمود :

غزوة الأحزاب : كان حفر الخندق المفاجأة الكبرى للأحزاب

حرب الفرقان : كان حفر شبكة من الخنادق والأنفاق المفاجأة الكبرى للصهاينة

5:الحصار :

غزوة الأحزاب : تزامن الحصار الخانق مع القتال

حرب الفرقان : الحصار الخانق سبق القتال بشهور

6:طريقة الهجوم :

غزوة الأحزاب : ((إذ جاؤوكم من فوقكم ومن أسفل منكم......))

حرب الفرقان : قصف جوي مكثف, قصف بري وبحري عنيف من جميع الجهات

7 :الحالة النفسية الإجمالية :

غزوه الأحزاب : ((وإذ زاغت الأبصار وبلغت القلوب الحناجر))

حرب الفرقان : تماما زاغت الأبصار و بلغت القلوب الحناجر

8:موقف المنافقين :

غزوة الأحزاب : (( وإذ يقول المنافقون والذين في قلوبهم مرض ما وعدنا الله ورسوله إلا غرورا ))

حرب الفرقان : أتباع عباس بن أبى بن سلول قالوا إن حماس جرت الشعب الفلسطيني إلى التهلكة

9 :موقف المؤمنين :

غزوة الأحزاب : (( ولما رأى المؤمنون الأحزاب قالوا هذا ما وعدنا الله ورسوله وصدق الله ورسوله وما زادهم إلا
إيمانا وتسليما ))

حرب الفرقان : كتائب القسام قدرنا أن تتصدر غزة الدفاع عن الأمة , ونعاهد الله ثم نعاهد شعبنا أن نلقن العدو درسا لن
ينساه في الدفاع عن غزة )

10:مسار الحرب :

غزوة الأحزاب : مناوشات على أطراف المدينة ولم يستطيعوا دخول المدينة

حرب الفرقان : اشتباكات على أطراف غزة , ولم يستطيعوا دخول غزة

11:اسباب انتهاء الحرب :

غزوة الأحزاب : صمود المدينة وعدم تحقيق أي هدف, دبت الخلافات بين الأحزاب, و (( يا أيها الذين امنوا اذكروا
نعمة الله عليكم إذ جاءتكم جنود فأرسلنا عليهم ريحا وجنودا لم تروها ))

حرب الفرقان : صمود غزة وعدم تحقيق أي هدف, دبت الخلافات بين الأعداء (الصهاينة و"أصدقائهم" العرب) كما ظهر في الإعلام
مؤخرا ,وباراك وأولمرت وليفني أيضا ,وتأييد رباني بلا شك مثل اعتراف الصهاينة باستغلال المقاومين لسوء الأحوال الجوية من ضباب ومطر، وغيرها من مظاهر التأييد الرباني

12 :نهاية الحرب :

غزوة الأحزاب: إنهاء القتال من طرف واحد وانسحاب الأحزاب دون تحقيق أي هدف ((ورد الله الذين كفروا بغيظهم لم
ينالوا خيرا وكفى الله المؤمنين القتال))

حرب الفرقان : وقف إطلاق نار من جانب واحد وانسحاب الجيش الإسرائيلي من غزة دون تحقيق أي هدف وكفى الله
كتائب القسام من خوض الحرب البرية العنيفة داخل غزة

13 :نتائج الحرب :

غزوة الأحزاب : استئصال بني قريظة سبب التحريض والتواطؤ ,وبعد الغزوة قال الرسول صلى الله عليه وسلم عن
قريش : (اليوم نغزوهم ولا يغزوننا) وبعدها كان صلح الحديبية ثم فتح خيبر ثم فتح الفتوح فتح مكة

حرب الفرقان : نسأل الله أن تكون بداية العزة والتمكين للدولة الإسلامية

14: مدة المعركة

غزوة الأحزاب : 24 ليلة

حرب الفرقان: 23 يوم

Tuesday, January 20, 2009

صباح المجد يا غزة صباح النصر والعزة


هنا غزه العزة

وانتصرنا

جيش القسام بإذن الله لا يقهر

طيارة النصر يطلقها هنيه

وكان الإختيار واضح
حماس ع العين والراس



Saturday, January 17, 2009

اسرائيلية تشكر الحكومة المصرية



غلطان أنا بقى والناس الي بتقول

يسقط يسقط
حسني مبارك

Wednesday, January 14, 2009

شوفوا حكومتنا المحترمه بتعامل الدكتور غازى حمد المتحدث باسم الحكومه الفلسطينيه وهو احد قاده حماس ازاى




شوفوا حكومتنا المحترمه بتعامل الدكتور غازى حمد المتحدث باسم الحكومه الفلسطينيه وهو احد قاده حماس ازاى .. اللقطة تبدأ عند 0:50
انا عاوز بقى اى كلب عميل صهيونى يفتح بقه ويقول ان حماس بتمنع الجرحى ..
حاجه فعلا مقرفه ...

بالنسبه لكلام الدكتور غازى اللى بالانخليزى فهو بيتكلم عن ان شروط حماس للتهدئة واضحه وهى وقف اطلاق النار وفتح المعابر ووقف العدوان ووجود ضمانات على التزام الكيان الصهوينى بذلك ...ويقول انkا لن نصمت على هذا العدوان ولن نرفع الراية البيضاء.. نحن نريد ان يكون الشعب الفلسطينى فى امان وسلام ولكن اعتقد ان الكيان الصهوينى لن يعطينى هذه الفرصه

Tuesday, January 13, 2009

أصغر إرهابي في العالم The smallest terrorist in the world

أصغر إرهابي في العالم
The smallest terrorist in the world


العمر: 7أشهر في رحم أمه
Age: 7 months before birth

الأسم : لم تُتِح له الرصاصة الصهيونية الفرصة ليحمل إسماً عربياً

Name : Not allowing him the opportunity to Zionist bullet Arabs name

الجنسية : كان من المفترض أن يكون فلسطينياً

Citizenship:He was supposed to be
Palestinians

العنوان : من رحم الأم الى القبر
ِAdress: From the mother's womb to the grave

هذه بيانات الجنين الذي إغتالته يد الحقد الصهيوني ,نهديها لكافة أجهزة المخابرات الامريكية والبريطانية والدولية, حتى يوقفوا البحث
(فالارهابي الصغير قد تم اغتياله(
These data fetus, who was assassinated by Zionist hatred, we give to all the organs of American and British intelligence and international, so stop searching
(the small terrorist was assassinated)

شاهدوا معنا صور الارهابي بعد الأغتيال
Watch with us the pictures after the terrorist assassination

مع تحياتنا للديمقراطية الأمريكية والعالم المتحضر الذين يحمون العالم من هؤلاء الارهابيين
With greetings of American democracy and the civilized world who are protecting the world from terrorists

Tuesday, January 6, 2009

الفعل ورد الفعل

الفعل هو التضامن مع غزة





ورد الفعل هو الزنزانة

هنا مع المدون عبدالتواب محمود صاحب مدونة الحياة السعيدة داخل الزنزانة

وهنا خلف باب الزنزانة