Tuesday, April 8, 2008

تضامنا مع إسراء من أجل حريتها وحريتنا

تحديث

اسراء اتخطفت

اختفاء اسراء عبد الفتاح بعد إفراج النيابة عنها … وأضاف سالم محامي اسراء أن إسراء خرجت من النيابة إلى مقر مباحث أمن الدولة في القليوبية (شمال القاهرة) التابع لمكان اقامتها لاخلاء سبيلها من هناك، لكنها اختفت تماما

.

اسراء تحتضن امها لحظة ركوبها سيارة الترحيلات

للمزيد من التفاصيل

..............................................................

إسراء …
اسم على مسمى …
بمثلك يا إسراء … يتحرك الشعب المصري دون أن يحركه أحد من الداخل أو الخارج …
سبحان من أسرى بهذا الشعب من الذل إلى العزة …
بمثلك يا إسراء


أتجدد حبس إسراء عبدالفتاح 15 يوم وحولوها للسجن ،،،
حنعمل اية لأسراء البنت المصرية الجميلة الجدعة ،،
البنت المصرية اللي لمتنا كلنا حواليها ودفعت التمن
اسراء اللي كلنا فخورين بمصريتها ،،

كل جريمة اسراء انها دعت لإضراب سلمي شعاره “خليك في البيت” على الفيس بوك

البنت اللي كانت صاحبة الفضل ان الشعب كله يعرف موضوع الاضراب

مقبوض عليها

لم تحتكر خط عبارات تفتقر لقواعد السلامة وتقتل آلاف الأبرياء

لم تستورد المبيدات المسرطنة أو أكياس الدم الملوثة

لم تحتكر صناعة الحديد أو تستولى على أراض الدولة بأبخس الأثمان

لم تزور الانتخابات والاستفتاءات لتبقى في الحكم لثلاثين عاما

لم تدع للحرق أو السلب أو النهب أو التخريب

مجرد دعوة للجلوس في البيت ليوم واحد
والامتناع عن الشراء احتجاجا على ارتفاع الأسعار

والدعوة لمجموعة من المظاهرات الرمزية في الميادين وهي مظاهرات لم تتم من الأصل

دعوة إسراء للإضراب السلمي ليس لها علاقة بأحداث المحلة سوى أنها اشتركت في التوقيت

ما هي تهمة إسراء؟

لماذا هي محبوسة الآن في السجن على ذمة التحقيق؟

قد نتفق أو نختلف مع إسراء ومع المضربين

ولكن الإضراب السلمي حق أصيل لأي شخص

نحن الآن على المحك
هل نغمض أعيننا عن حبس إسراء

اسراء عبدالفتاح عضوه بحزب الغد
وتدفع ثمن حريتها مثل زعيم الغد أيمن نور

هل من المعقول ان يحبس هذا الجمال خلف الأسور في وقت تتمتع فيه خديجه الجمال حرم جمال مبارك بخيرات مصر


هذه المادة مجمعة
تضامن مع إسراء من أجل حريتنا جميعا

عااااار على كل الرجال ان تكون اسراء خلف القضبان

5 comments:

أحمد منتصر said...

يا رب فك أسرها :)

صحفى مصرى مشاغب said...

ربنا يفك اسرها
كلنا معاكي يا اسراء

ست البيت said...

انا رأيي أنها مثل كل الشرفاء
مصيرها للاعتقال
مصيرها خلف الغيوم
وقلبها ..للهموم وطن
اسراء يا وجع العروبة
يا وجع العيون حين تغفو على وسادة
انت البطل وجميع من فينا
دخات مطر
لكن المطر ينبت وردا من الحجر
يا سحابة مرت بنا
اسراء لا تحزني ان الله معك
يا سحابة امطرت بيننا
ثمر السعادة
كوني عنيدة واطلقى خلف اسوار سجنك الف عادة
علمينا ان الصبر ليس عادة
انه عبادة
علمينا ان النصر لا يأتي لغافلين
علمينا ان نقوم وننتفض كل عام في سعادة
هذا حق لا تخفيه الاا السيادة
انت في القلب
يا اجمل سجينة
ست البيت

شقاوة شعب said...

بصراحة حاجة قمة فى المسخرة

بنت تعتقل ؟؟ ده ايه الجبروت ده؟؟
ده ايه الظلم ده
لكن هانت ..النظام الان يكتب نهايته فالخلود لله وحده

وكل املى دلوقتى ودعائى ان ربنا يحفظ اسراء فى المعتقل من هؤلاء الزبانية

تحياتى
شيماء

سكوت هنصوت said...

الي بيحصل ده شئ لا يصدقه عقل

معقوله إسراء..تترمي في سجن طره عشان عملت جروب على الفيس بوك!!!!!!!

يا نهار اسود...القطة كلت ولادها يا جدعان

قد كده الحكومة خايف...قد كده البلد قلقانة

طب انا بقى بدعوا اننا نعمل جروب تاني اسمة أربعة مايو..على الفيس بوك

برضة....و ان كانوا شاطرين في التكنولوجيا...تعالوا بقى نجيب العيال الجامدين بتوع فيفا 2008 والهاريين روحهم بلاي ستيشن ونشوف ممكن يساعدونا ازاي في الحكاية الفل دي

و خلي بقى الحكومة تلف حولين نفسها

طالما الفيس بوك خضها كده...يبقى نشتغل عليه...