Sunday, September 20, 2009

لماذا يكفر ضباط الشرطة ؟ لماذا يا وزير الداخلية ؟




مين يحقق مع الضابط المجرم دا ؟؟
ضابط شرطة حقير اهله معرفوش يربوه زي معظم ظباط الشرطة يتطاول على الله ويقول
لعائلة أثناء تفتيش منزلهم: لو ربنا كان موجود هنا هآخدة أحبسه مقاومة
سلطات
فى شكوى تثير الحزن والالم الى موقع جبهة انقاذ مصر من مواطن مصري يقول فيها: اسمى احمد محمود

ناجح ثانوية عامة العام الماضى بمجموع كبير الا أنى أعيد السنة الدراسية لدخول كلية الطب

حدث يوم ليلة القدر كنا انا والعائلة على مائدة الافطار وقرآن المغرب يقرأ فوجئنا بضابط شرطة اسمة اسلام بمركز شرطة بلبيس-محافظة الشرقية – امامنا مباشرة - هجم على منزلنا بطريقة همجية وصعد للدور الثالث مباشرة حيث نجلس وكانت والدتى وشقيقتى يرتدون ملابس المنزل وبشعورهن وشقيقتى تجلس بالشورت شأنها فى ذلك شأن أى فتاة فى منزلها

- جاء الضابط بحجة ان اخى صدر ضدة حكم
مع العلم أن أخى لا يقيم معنا وترك المنزل منذ 10 سنوات من قبل حتى ان يتزوج وهذا ثابت رسميا بموجب تغيير عنوانه فى البطاقة وفى قسيمة الزواج وبموجب محضر اثبات حالة بذلك – حررناه بعدما جاء نفس الضابط من قبل وارفقنا بة صورة من تغيير محل اقامة اخى لان مجيئ الضابط قد تسبب فى وفاة والدى

ولان المنزل ملك لنا لا يوجد بة سكان فابواب المنزل غير محكمة الغلق وهذة عادة معظم اهل القرى

قلت للضابط على الفرض انك جئت لتنفيذ حكم هل يوجد مانع ان ترن الجرس لان البيوت لها حرمة

وقلت ايضا :- اخى منذ سنوات لم يأتى الى هذا المنزل ومتزوج خارج المنزل منذ 7 سنوات والجميع يعلم ذلك وأكد على كلامى حضرة العمدة على سلطان الذى وصل لتوة
وقلت للضابط وبعدين فين مصادرك مين اللى قاللك انة هنا دى عاشر مرة تييجوا منها مرة تسببتم فى وفاة والدى حينما قال لك يا ابنى فرديت انت علية قلت لة انا مش ابنك مما اثر علية وتوفى تانى يوم

-فقال لى الضابط :- الموضوع جاى من فوق و ده موضوع لواحد خاله لواء واللواء دة اللى انتوا واقعين معاة كلم مدير الامن وكلم مكتب الوزير ومدير الامن قال لى انزل دالوقتى

-وفوجئت بحضرة العمدة قال لى اصل اللى موصى على الموضوع ده لواء حالى بالخدمة مش معاش -رديت علية وما دخل ذلك حتى فى انتهاك حرمة المنازل وانتهاك حقوق الانسان ان يجلس كل واحد مطمئنا فى منزلة ؟

و قلت لة كل ده عشان حكم اصدرتة دائرة مكونة من ثلاثة من اشباة القضاة ؟ كانوا جميعا ضباط شرطة مجاملة للواء الشرطة ونجل شقيقتة خصم اخى؟ وبعدين لنا فقط فى مركز بلبيس اكثر من 600 حكم لصالحنا لم ينفذوا

واللى انتوا جايين تنفذوا الحكم لصالحه والله العظيم تلاتة هو كمان عليه حكم لصالح اخى لية مش بيتنفذ ؟
ولا هما الناس اللى ليهم الأحكام درجات ؟مش دة حكم محكمة ودة حكم محكمة؟

قال لى الضابط لو اتكلمت كلمة واحدة كمان هآخدك مقاومة سلطات

فذكرتة ان البيوت لها حرمة وان الله تعالى قال فى كتابة العزيز

- حيث انى احفظ القرآن منذ الصغر --قلت لة -ربنا بيقول
-يا أيها الذين آمنوا لا تدخلوا بيوتا غير بيوتكم حتى تستأنسوا وتسلموا على أهلها

فقاطعنى حضرة الضابط قائلا

لو ربنا هنا هآخدة هو كمان أحبسة مقاومة سلطات

جميع الموجودين بما فيهم انا و حضرة العمدة والمخبرين صعقوا من هذا الكلام و ردد الجميع فى وقت واحد استغفر الله العظيم

ذهب الضابط وترك لنا تساؤلات تفرض نفسها

لماذا لم ينفذ الحكم الصادرلصالحنا ضد نجل شقيقة سيادة اللواء عسكر؟
ولماذا تتعمد وزارة الداخلية تسوىء صورتها للغاية فى أعين المواطنين ؟
وهل توجد اختبارات نفسية كل فترة للسادة الضباط لتقليل كم السادية عند بعضهم ؟

والسؤال الأهم

لماذا يكفر ضباط الشرطة ؟

حينما يقول ضابط .. لو ربنا هنا هآخدة هو كمان أحبسة مقاومة سلطات
دة والعياذ بالله كفر
- سمعت انة كان يشاع قديما ان كلية الشرطة بها مادة يدرسها الطلبة خاصة بتعليمهم قلة الادب والسفالة وهذا غير مؤكد بالطبع
- الا انة من المؤكد أن كلية الشرطة ليس بها مادة تعلمهم الكفر بالله
أو عدم التدين أو ازدراء الاديان أو احتقار البشر

الا أنى اتوجة بسؤال لوزير الداخلية
لماذا تتعمد الشرطة هدم جسور المحبة بينها وبين المواطن ؟
لماذا تتركون الهوة تتسع بين المواطن والضابط ؟
لماذا تصل الامور لحالة الإحتقان ؟
اذا كان من أولويات وزارة الداخلية تنظيم حملات أمنية لالقاء القبض على مواطنين بحجة المجاهرة بالافطار كما حدث فى محافظة أسوان أليس من الأولى القاء القبض على المجاهرين بالكفر من ضباطها ؟ أم أن من يرتدوا ملابس الضباط لا يحق عليهم العقاب؟

سيادة وزير الداخلية .. مديرية امن الشرقية بها حفنة من الضباط لم يجدوا من يعلمهم آداب او اخلاق المهنة ولم يجدوا حتى من يعلمهم المهنة ولو دون أخلاق

ودي مش الحادثة الأولى يا معالي وزير الداخليه
فيه حادثه حصلت في كفر الشيخ
فيه ضابط ملازم اول اعتقل واحد عنده 17 سنه امه بتقوله مش خايف من ربنا .. قالها انا ربنا

8 comments:

ragabhpl said...

احنا منتظرين ايه من جهاز زى جهاز الشرطةوشوية الحيوانات اللى بيشتغلوا فيه

دى مش جديده عليهم

موقف تانى اثناء اعتقال احد الاخوان

ضابط الشرطة بيقول للاخ

وانت داخل الجنة ومعدي على الصراط ابقى نادى فرعون من تحت فى النار وقول له انت سبت وراك رجاله

بقصد انهم رجاله فرعون يعنى

والله مش عارف انه فرعون فيهم

أحمد القبرصي said...

و أحنا في انتخابات مجلس الشعب 2005
صرخ فينا الضابط بأعلى صوته ردا على منعنا من دخول اللجان الأنتخابية(( يبقى ربنا ينزل و يحطلكم أصوات في الصناديق))ــ

و فزنا بدون دخولنا اللجان و بدون أن نصوت

Unknown said...

ضباط الشرطة اشتروا البلد فاكرين ان كل حاجة فى مصر بتاعتهم
اللة يلعن ابو اليوم اللى اتعملت فية كلية الشرطة

مواطن شووجااع said...

نسمع عن الكلام دا كتييييييير من الغخوة الكبار اللي شاف أيام عبدالناصر لويل
أيام شمس بدران والناس اللي علي شاكلته

الناس دي بجد مريضة نفسياً

محمد خيري said...

كفاره

مدحت محمد said...

استغفر الله العظيم

السلطة والنفوذ بيعمى احيانا
فيفتكرو نفسهم الهة

عاشق الجهاد said...

لا نستطيع الاقول

حسبنا الله ونعم الوكيل

اللهم معنا ومع كل المظلومين

Ikluk said...

كفاره