Friday, February 26, 2010

أمن الدولة يراقب هواتفنا بتكلفة سبعمائة مليون جنيه سنويا.. طيب حمرا يا داخلية




تكاليف مراقبة الهواتف الأرضية والمحمولة للشخصيات المهمة أو المعارضة في مصر تتكلف 700 مليون جنيه سنويا ، في صورة شراء تقنيات وأجهزة ونفقات اتصال وخلافه ، وهي تكفي لمراقبة ما بين ثلاثة إلى خمسة ملايين مواطن ، والبند 13 في اتفاق إنشاء شركات المحمول يلزمها بالتنسيق مع إدارة المراقبة والمتابعة بجهاز مباحث أمن الدولة وهناك ثلاث درجات للمتابعة
أعلاها الدرجة (أ) للشخصيات المرشحة لرئاسة الجمهورية ونواب الإخوان ومكتب الإرشاد ونواب المشاغبة من كل أطياف المعارضة
والدرجة (ب) لنواب الوطني والوزراء
والدرجة (ج) للصحفيين والشخصيات العامة والنشطاء من الشباب

طبعا الكلام دا مش غريب لإن السيد حبيب العادلي وزير داخليتنا الهمام
في مجلس الشعب قال من فترة طويلة (اللي يخاف ميتكلمش ) كما أن حكومتنا الموقرة بتعلن دا عادي وبتقول بكل بجاحة انها بتتجسس على كل الناس

يا ترى انت درجة كام يا مواطن


أما أنا عن نفسي فمستمر في الكلام وهقول كل الي في نفسي والي مش عاجبه يشرب من أقرب كولدير لوزارة الداخليه سواء بقى كان وزير او غفير او حتى ضابط امن دولة عشان وزارة الداخلية مفيش جنبها بحر قريب




بس هو السؤال هنا لجهاز أمن الدولة والإخوة المتصنتين علينا
هو انتو بتسجلوا كل الكلام ، أصل الواحد أحيانا بيقول كلام أبيح في التليفون وبيعاكس وكده وبيعمل حجات لا مؤاخذه
فا يترى الكلام دا هو كمان بيتسجل ولا لأ ؟؟
عموما يعني هو ايه في حياتنا مش متراقب ؟
الواحد اصلا خايف يتجوز لحسن يصوروه مع مراته وهو في السرير
رغم اني معنديش مشكله لو اتصورت مع اي واحده تانيه في اي مكان تاني سواء بقى ع السرير ولا في الشارع او في التليفون
عموما هي بالنسبالي مش فارقه كتير

ويسقط يسقط حبيب العادلي على النت وفي سماعة التليفون وعلى السرير الي مش متجوز عليه كمان






2 comments:

هراء لا داعى له ..... said...

رأيى

إن حمرا يا داخلية فعلا


بس أحب أنصح كل شاب و كل فتاه إن موضوع مراقبة التليفون دى حاجة لذيذة خالص على فكرة و تجربة مسلية

لا بجد يعنى إحساس رائع

حاولوا تحربوه



كنوع من التجديد حتى على الأقل

لواء الاسلام said...

حمرا ياداخلية يعني ايه ؟؟؟
يا تري حمرا بتاع اشارة المرور!!!
ولا حمرا يا قوطة
ولا تقصد حمرا (...........)