Wednesday, November 5, 2008

ارجع بيتك يا بدران ( إهداء إلى مفتش أمن الدوله الجديد بالفيوم)


إهداء إلى مفتش أمن الدوله الجديد عبداللطيف بدران مدير مباحث أمن الدوله بالفيوم




منذ أن تولى عبداللطيف الهادى منصب مفتش أمن الدولة بالفيوم وهو يمارس أبشع أنواع الإرهاب ضد أبناء المحافظة سواء بالقبض على المئات يومياً فى نقاط تفتيش لمجرد الاشتباه أو بالتدخل فى شئون النقابات ومنها نقابة التطبيقيين بالفيوم حيث استدعى مجلس النقابة وقام بمحاولات لإرهابهم بهدف سحب الثقة من نقيب التطبيقيين كمال نور الدين إلى القبض على شباب الفيوم الذين شاركوا فى حملة كسر الحصار عن غزة ، ويتمتع هذا الضابط بكراهية شديدة من كافة العاملين معه حيث جعلهم يعملون جواسيس على بعضهم البعض فهو هذا مغرور سئ السيرة معروف بالعدوانية والكذب الشديد وكرهه الشديد للمواطن المصرى وكذلك كرهه لنفسه ، إضافة إلى محاولة التدخل فى كل صغيرة وكبيرة فى شئون المحافظة حتى صار هو الحاكم بأمرة فى الفيوم


عندي حكاية بالألوان
يحكى أن ، كان يا ما كان
كلب كبير مسعور وجبان
بيهوهو في كل مكان
علشان النقص اللي ف نفسه
دايما عامل فيها غضبان
عمال يرعب أهل الحته
ومشغل حواليه صبيان
علشان خاطر حتة لحمة
بيبيع دينه وأهله كمان
شاف القطة رايحه الجامع
راح باعت جاب السجان
راح واقف على باب الجامع
وحبسها ف اوضة الفيران
والكتكوت كان رايح الجامعة
مبسوط بيغني وفرحان
راحو خاطفينو في العربية
وفجأة لقيته ف خبر كان
اي يا كتكوت هو انت راعبهم
ليه حبسوك بين القضبان
دا انت يا عيني لسه صغير
وزمان بابا عليك زعلان
ايه الذنب اللي انت جنيته
قلي اوام ليه انت مدان
لسه كلابهم ماليه الجامعه
بره وجوه على الجدران
عربيات وعساكر ياما
ناقص يضربوا في المليان
على ايه يعني الرعب دا كله
جاي يتشطر ع الغلبان
اسجن طلع هدد وارعب
ما بيفرقشي مع الجدعان
أصل سعادتك باعوا حياتهم
علشان يرضوا كريم رحمن
رعب سعادتك ما بيشغلهم
اطنطط واعمل طرزان
سيب القطة والكتكوت
وارجع بيتكم يا بدران

.....................

إمضاء
شاعر طهقان

3 comments:

ست البيت said...

سلام عليكم وعود أحمد،،،،،
ولما مكنش أنا أول تعليق يبقى مين يعني

عود أحمد ويسلم قلمك ولسانك في الحق

حقا ماذا فعل لهم الكتكوت الغلبان
هؤلاء غرهم غبائهم فاكر صلاح نصر مش اسمه كده برضه
لما قال لهم هاتولي -استغفر الله العظيم - ربكم وانا احطه في الحديد
عند وصلف وكبرياء فاق كبرياء صناديد كفرة قريش
ولا بيتعظوا الراجل دا كان على الصحراوي مصر اسكندرية دخلت في جسمه عربية حديد
تسليح بس ما كانتش حديد عز وقتها
بس يا فارس هم نجحوا يخوفونا في السنين اللي مرت وحاولوا يلحوا السشباب بالمخدرات وال.....والبنات بالموضة والفيونكات الحمرا
ولما الكل ما لقلش غايتة وراحت السكرة وجاءت الفكرة
اشتروا الآخرة بالحياة الدنيا
فهنيئا لأبطال ورجالة الفيوم
واجمدواقوي يا رجالة
ولو تعرف حد منهم بلغهم سلامنا
ودمت بحفظ الرحمن

عبدالرحمن فارس said...

لم أكن أعلم بأني أحظى بشرف متابعتك لي بشكل دائم

وكم أسعدني ذلك جدا

وأغفري لي تقصيري في حقكم

وإن شاء الله سلام حضرتك يوصلهم

تحياتي
و
محبتي

لواء الاسلام said...

فعلا يا عبد الرحمن وصلت بهم الي حد الالوهية والعياذ بالله يجعلون من انفسهم الهة
عن تجربة انا مرة اتعرضت لموقف كنت مربوط العينين وجعلني ضابط كلب حقير في وضع الركوع
وانا لما اشبهه بالكلب بظلم الكلاب