Wednesday, April 1, 2009

تهديد عبر الفيس من عدة ايام ... واليوم استدعاء لأمن الدوله

مع بداية شهر ابريل ومع انتظار الحدث الأهم وهو الاضراب القادم يوم السادس من ابريل وصلني اليوم استدعاء لامن الدوله

لا ادري ان كان الامر مرتب أم لا أم هي محض صدفه ولا ادري انا كان ما قمت به الان من نشر هو من الصواب ام لا
لكن وصلني اليوم الثلاثاء الساعه 12.30 ونص بعد منتصف الليل استدعاء لأمن الدوله يطلبني للحضور لأمن الدوله يوم الأربعاء الموافق 1/4/2009 الساعه الثانيه ظهرا

منذ عدة ايام دار حوار بيني وبين أحد الموجودين عندي في قائمة الأصدقاء على الفيس بوك ،، شخص مجهول لم أعرفه من قبل بدأ الحورا عبر استيتيوس كنت قد كتبتها في الفيس بوك عن اضراب 6 ابريل وتضامني معه ، وكانت تعليقاته تصب في أننا مجموعه من المخربين والاثمين والخارجين عن الحاكم وان مبارك رئيس شرعي وكلام من هذا القبيل ولما لم يجد جدوى من الحوار عبر التعليقات دخل الي يحاورني عبر صندوق الشات بالفيس بوك ودار حوار ساخن جدا ولما وجدني مقتنع بكل ما اقوله قال لي كلمتين (متزعلش من الي هيحصلك النهارده ) وقمت بأخذ صوره للشاشه هوقتها بالبرنت سكرين ،، وبعدها لقيته حذفني من القائمه

ولكني وقتها لم أتحدث الى أحد بهذا الأمر لأني لا أحب الشوشره ولكن عندما جد جديد وجدتني مضطرا لهذا ...


دي صورة التهديد

لمشاهدة الصور بحجمها الطبيعي افتحها في لسان جديد أو احفظها على جهازك


)1(



(2)

دي التعليقات الي كانت في الصفحه عندي في الفيس بوك

(1)


(2)





دا جزأ من الحورا قدرت احتفظ بيه ، دار بيني وبين الشخص صاحب التهديد

AbdElrahman

وهحس اني ظالمه بجد

اخص عليا

اخص فوخص كمان

1:52pmIbrahim

اخص عليك انك مش فاهم

وبتتكلم عن حجات من غير متسئل

1:52pmAbdElrahman

يقطعني هو انا كنت ظالم مبارك كده

1:53pmIbrahim

وبترردد كلام الناس فى الشارع

اللى هما جيبينوا من ناس بره

1:53pmAbdElrahman

هو انت متعرفش ان انا من الشارع ولا ايه

1:53pmIbrahim

عشان تزعزع الامن والاستقرار

1:53pmAbdElrahman

منا لسه قايلك اني بقبض من بره

عشان ازعزع الاستقرار

1:54pmIbrahim

مش انت اللى كنت عايز حماس تضرب اسرائيل

اتفضل ياعم

سمعوا كلامك

وضيعوا

1500

1:55pmAbdElrahman

اه مهو اصل انا الي قلتلهم اصل كنت دافعلهم فلوس كتيره من الي بقبضها من بره

1:56pmIbrahim

يمكن اتكلم راجل زى مبكلمك ورد عليه

مش ده كان رايك

1:56pmAbdElrahman

وجبت هنيه وقلته بقولك ايه يا ولد استاذ ابو العبد هنيه خد القرشين دول واضرب اسرئايل لزوم زعزعة الاستقرار

1:57pmIbrahim

لما تعرف يعنى ايه حرب ابقى اتكلم

1:57pmAbdElrahman

وبعدين احنا كنا بنتكلم على الزعيم والقائد والملهم حسني مبارك

1:57pmIbrahim

وتعرف يعنى ايه جوع ابئى صوت

1:57pmAbdElrahman
ايه الي دخلنا على حماس

1:57pmIbrahim

لا اصل انا كنت بئرى رايك

وبستعجب

وبقول ده لو مسكها هيضيعنا

الحرب مش صياعة

1:58pmAbdElrahman

طب هجوع ازاي وانا في عهد الرئيس بارك الرب خطاه

اه الحرب مش صياعه لكن هز ....

اكتاف


1:59pmIbrahim


مدام ابتديت تتكلم ووتنئوز سورى زى النسوان كدة

انا هسيبك ترجع راجل وتكلمنى سلام

انا عندى الحجج

وانت ولاعندك حجة واحدة

1:59pmAbdElrahman

هو مبارك قالك تشتم الي قدامك

1:59pmIbrahim

روح ادرس واتكلم

1:59pmAbdElrahman

انا مغلطش فيك

2:00pmIbrahim
منت سورى بتكلمنى كان اتنين نسوان

واقفين مع بعض

2:00pmAbdElrahman
انا لو غلط يبقى غلط في مبارك وهو اظن ان هو راجل يعرف يدافع عن نفسه

برضه مش هرد عليك

عشان بره قالولي متردش على الي يشتمك

2:01pmIbrahim

وجوه قالولى اننا متكلمشى مع النسوان اللى زيك اللى اول ميجى البوليس يجروا ولما بيدخل الامريكان انت عارف بيعملوا ايه

سلام

2:01pmAbdElrahman
وهقولك زي ما المسلمين الي انا منهم بيقولوا ... الله يسامحك

2:01pmIbrahim

وانا هؤلك بردوا المسلمين اللى انا منهم

واذا خاطبهم الجاهلون قالوا سلاما

سلام

وربنا يكفينا شرك

2:02pmAbdElrahman

امين

2:02pmIbrahim

انت واللى زيك فى بلدنا

2:02pmAbdElrahman

ايوه المخربين


Ibrahim is no longer online. The following was not sent:

الي زينا (send as a message)

2:03pmIbrahim is online.
2:04pmIbrahim

ومتزعلشى من اللى هيحصلك انهاردة

سلام


2:04pmAbdElrahman

Could not connect to Facebook Chat at this time.

هههههههههههههههه

ياما ياما خفت

2:05pmIbrahim is offline


2:05pmAbdElrahman

You don't have permission to chat with this person.

يوه بقى خضتني ياسمك ايه


................................................

وهذه صوره للمدعو ابراهيم صاحب الحوار

5 comments:

ahhmed said...

حسبي الله ونعم الوكيل في امثال ابراهيم

ربنا يطهر البلد من امثاله

مهندس مصري بيحب مصر said...

ما أعتقدش انه حد مهم
دا مجرد واحد من اللي دماغهم متركبة شمال
خش مدونة نوارة و حتلاقي واحد من العينة دي و مشهور قوي في التعليقات هناك بس هو معارض مش موالي زي صاحبك ده

العينة دي من الناس موجودة
لو فاكر البوست ده عندي
http://egyptioneng.blogspot.com/2008/04/blog-post_14.html

كان فيه واحد بيحب الحزب الوطني
و التاني كان عاشق لجمال مبارك

و كانوا من الفيس بوك برضه
ما هو الفيس بوك فيه من كل صنف و لون
:)

Anonymous said...

ده يا جماعة طالب فى كلية الهندسة جامعة اسكندرية وانا عارفه شكلا بس معرفش انه واصل كده

Anonymous said...

el ragal ma3`ltsh la2n mesh dy fa3lan tare2at 7ad mosa2f aw mot7ader ano yatkalam kada wa ya2ool 2a5s 3alya wa el kalam dah
wa kaman el ra2es mobark is totally right in his behaviour with hames wa ta3mal ma3 el mawdoo3 ba 7akma fa3lan hwa fe sar2a fe el balad bardo bas na2ool el kalam el sa7 and don`t let our anger cover our eyes

Anonymous said...

wa 3awza 2a2ool 7aga kaman en el walad mesh waseel wala 7aga hwa just motwa23 ely hay7sal en amn el dawla hay5ood youm bas la7d ma el donia ta3dy wa bas
plz bagd 7awlo tafkro shwaya wa don't let ur feelings controling u