جمال مبارك العاق لإبيه والتوريث الحرام ،وأغنية بحب جمال

حوار الرئيس مبارك للصحافة الأمريكية:(جمال لم يتكلم معى بشأن ترشيحه للرئاسة)
تصدقوا الولد جمال مبارك طلع ولد عاق ومتمرتش فيه التربية ، ازاي ميتكلمش مع أبوه الي مربيه وصارف عليه دم قلبه في موضوع زي حكم مصر ، ازاي ابن يعق ابوه بالشكل الفظييييع الفظييييع دا ،... ازاي يخلي ابوه يشكي للعالم ويتكلم في جرايده ويقول ابني مقليش،تسوى ايه دي قدام الاولاد الي عايزين او خدوا مكان ابهاتهم في الحكم ، ازاي يكسر قلب ابوه كده وهو السن دا

قال تعالى (و لا تنكحوا ما نكح آباؤكم)
يعني يا جمال يابن مبارك مصر مش هتنفع ليك لان السيد الوالد مبارك متجوزها بقاله 28 سنه لما ماسابش فيها حتى سليمه ، يعني هي محرمه عليك ، وكمان معدش فيها صحه تستحمل شاب زيك في مقتبل شبابه يدخل بيها من اول وجديد
اعترض بقى على كلام ربنا وخش النار

هي الهبله عمرها هتيجب دكتور يعني ..
الشاب اللذيذ الي بيغني دا بيغني لجمال مبارك ويقولك ليه ميحكمشي وسيبك من التهييس والي بيقولوا توريث ..
وعلى رأي أختنا نوراه "طيب ليه ما يحكمشي؟ طيب ليه ما يمسكش"
يمسك ايه بالظبط؟ لا مؤاخذة يعني، احنا اشرف من الشرف، وماحدش يمسك عندنا حاجة الا بالحلال وعلى رأي اللي قال: ده مش حلال، لانه لا يجوز ان ينكح ما نكح اباه ..
ومين دا بروح الي خلفوه الي جي يغني لجمال ، يعني هي ناقصه عته والنبي ، يعني والله دا حلال فيه الشتيمه هو والي خلفوه لانهم لو كانو ربوه مكنش طلع قال جمال ومش جمال
السادة المسؤلين متشوفلنا انشراح فين
بجد احنا تعبنا ومعدتش فينا حاجه مبقتش عايزه تتفقع