Saturday, June 12, 2010

عاجل جدا ... دا الفيديو اللي اتقتل عشانه خالد سعيد والي كان بيفضح فيه تورط ضابط الشرطة والمخبرين وهما بيتاجروا في المخدرات

تحديث

دا شرح توضيحي للفيديو

يظهر بوضوح غرفة معاون مباحث قسم شرطة سيدي جابر ، وحوله عدد من المخبرين و امناء الشرطة النظاميين ، والضابط يضع أمامه كمية 80 كيلو حشيش وكميات من البانجو ، والأموال السائلة

.. الضابط يسأل عن مخبره السري "عوض" وهو الذي سبق ونشرنا من اللحظة الاولي عن مشاركته هو ومحمود الفلاح في إغتيال خالد !! ويقول الضابط كلاماًَ يفيد أنه إنتهي تواً من ضبط هذه الكمية الكبيرة من المخدرات والأموال !! لكنه بدلاً من تحريزها ووزنها ، واحالتها للنيابة هي والأموال المظبوطة حدث الآتي

.. يُظهر الفيلم الضابط وهو يعد الأموال المظبوطة بحوزة المتهمين ، ثم يشير بيده ليعد عدد الموجودين بالغرفة من رجاله ، ويعد نفسه معهم - ايضاً - في محاولة لتحديد نصيب كل فرد من فريقه في الأموال !! في تقسيم واضح للأموال المظبوطة بدلاً من تسليمها للنيابة ضمن حرز القضية !!

.. في مشهد آخر بذات الفيلم الفضيحة يظهر أحد المخبرين وهو يقتطع قطعة من المخدرات ويقول للضابط : " مبروك عليك يا باشا " !! ثم ضحك المخبر وهو ينصرف قائلاً : " سلام عليكم بقه " والضابط يرد عليه قائلاً : " استني خدلك واحده "!!

.. فيلم بهذه الخطورة عندما يصل إلى يد خالد بالصدفة ، والتي لا نعرف للآن تفاصيلها ، ثم يعلن خالد في دائرته وبين جيرانه والأصدقاء ، أنه سينشره علي النت ، ويعد مدونة لهذا الغرض ، لابد أن يدفع هؤلاء لدفع الخطر الذي يمكن أن ينهي حياتهم الوظيفية وقد يدخلهم السجن !!

..هذا الفيلم الذي قادتنا إليه الصدفة يفسر لماذا هجموا علي خالد بمجرد دخوله "النت كافيه" وليس في الشارع ؟ ولماذا كان التفتشيش الدقيق ؟! ولماذا كان قتل خالد هو الخيار الوحيد والخيار الأكثر أمناً لهم ؟!! ولماذا تم تكليف المخبر "عوض" بهذه المهمة بأعتباره الوحيد الذي ظهر أسمه في الفيلم ؟! ولماذا لم يتورط الضابط في المهمة التي كان يعرف أنها ستنتهي بالقتل وليس الترهيب ؟!

.. هكذا باتت كل الامور واضحة ، ومنطقية ، وتوجد بينها علاقة سببية !! هكذا نحن امام جناية قتل عمد مع سبق الأصرار والترصد ، ولسنا أمام جنحة ضرب أفضي إلي موت


تفاصيل أكثر تابع صفحة الدكتور أيمن نور على الفيس بوك

________

قبل ما تشوف الفيديو لازم تقرأ الكلمتين دول كويس قوي

هذا الفيديو وسام على صدر خالد وليس ضده

نؤكد على أن هذا الفيديو لا يمثل اي إدانة لخالد سعيد ، وإلا كانت تمت إدانة المدونين الذين قاموا بنشر فيديوهات التعذيب و فيديوهات مماثلة

كانت وصلت لهم عبر بريدهم أو عن طريق أشخاص آخرين توسموا فيهم أنهم يستطيعون فضح الظلم والفاسدين

وكان خالد أحد هؤلاء الذين توسم فيه أحدهم القدرة والقوة على فضح الضباط المتاجرين في المخدرات

وأكرر هذا الفيديو وسام شرف على صدر خالد وليس كما يقول بعض المرتزقة من أفراد الحزب الوطني وديول أمن الدول الذين يحاولون تصوير خالد على أنه تاجر مخدرات وشريك في الجريمه وأنه لقى جزائه الذي يستحقه

أقول لهم ضعوا أحذية رئيسكم و وزير داخليتكم في أفواهكم
وكل واحد يقعد جنب ممته أحسن ينقيلها الرز
أهو يعمل حاجه مفيده

عشان ينطبق عليكم المثل الي بيقول

طول ما العيل تنا كمه ونقى الرز لأمه يبقى 3 ايه .. ... كملوا انتم بقى


دلوقتي تقدر تتفرج على الفيديو بقى وانت مطمن

video


دا الفيديو اللي اتقتل عشانه خالد سعيد والي كان بيفضح فيه
تورط ضابط الشرطة والمخبرين وهما بيتاجروا في المخدرات

الفيديو اللي اتسبب في مقتل خالد عشان يدفنو معاه السر .. من جوه القسم .. لكن الله أبى إلا أن يفضحهم
الفيديو دا كان وصل لخالد
وقال انه هينشره

وكانت السيدة ليلى مرزوق والدة خالد محمد سعيد (شهيد الطوارئ) قد كشفت أن الأسباب الحقيقية وراء مقتل ابنها على يد ضابط شرطة ومخبرين اثنين

إنه "حصل على فيديو يحتوي على لقطات لأحد ضباط قسم سيدي جابر والمخبرين،وهم يقومون بالاتجار في الحشيش وقام بنشر الفيديو بين أصدقائه وذلك منذحوالي شهر، وقال إنه سوف يدشن مدونة لفضح الضابط والمخبرين"، وتتابع والدةخالد "قمت بتحذيره أكثر من مره من نشر هذا الفيديو حتى لا يقوموا بإيذائه"،وأبدت دهشتها لأنهم "لم يهددوه قبل يوم الحادث إلا أنهم دخلوا عليه فجأةوانهالوا عليه ضربا".

على فكره .. الفيديو ده تم تصويره بمعرفة واحد لسة متوصلناش لهويته زي اي فيديوهات التعذيب اللي اتصورت قبل كده من ظباط ومتخيليوش انه هيوصل لحد
ووصل لخالد وخالد اتكلم عنه مع صحابه وجيرانه والموضوع لما وصل للقسم قرروا انهم يربو خالد قبل ما ينشره على النت
و المخبر عوض اللي قتل خالد من ضمن اللي في الفيديو

روابط لها صلة

تعذيب بشع للشاب خالد سعيد بأحد اقسام الشرطة حتى الموت

إذا لم يحركنا الدم فمتى نتحرك .. لا لبلطجة الشرطة .. وقفة أمام وزارة الداخلية إحتجاجاً على مقتل خالد من التعذيب

ليس أقل من تقديم واجب العزاء الى أسرة خالد ولو عبر الهاتف

أنا إسمي خالد محمد سعيد


لك الله يا أم خالد


ورحمك الله يا خالد




16 comments:

TAFATEFO said...

غالباً يا عبدالحمن بك ده فيديو ضبطية مش عملية بيع

عمرو شامل said...

مفيش دليل على ان الفيديو ده هو ادانة لخالد ( كما يقول رجال السلطة ) و لا فى دليل على ان الفيديو ده وسام على صدر خالد ( كما تقول ) و لا فى دليل أصلا انه ليه علاقة بخالد الله يرحمه.....
و تظل الحقيقة مبهمة حتى ظهور أدلة قاطعة و براهين ساطعة

عمرو شامل said...

و كمان أمه طالعة تقول الكلام ده بعد متقتل ابنها ب 5 أيام ؟؟؟؟؟؟؟

salysamih said...

ايما كان الفيديو ضبطية ولو انه مش واضح خالص وتوزيع الفلوس على خمس ولا ستة ولا موبايل بيرن ولا الاستخاف بقضية ضبطيتها بالمنظر وبالحجم دة

اين كان رغم التفسيرات الجزافية وغير المنطيقة بالمرة اللى هتتقال
دة كله ميبررش ابدا منظر الجثة والتشويهات
ومبيبررش ابدا ولا بيدى الحق لاى بنى ادام انه يعمل كدة فيه
ولو سبب الوفاة هروين ولا بانجو ولاهباب نيلة
مثلتو بالجثة ليه ماهى دى جريمة ابشع

بكل الاحوال والاشكال دى جريمة لا انسانية بشعة
وربنا هيحاسب الكل عليها


ارجو الناس تبقى موضوعية شوية
الموضوع ان مواطن حتى لو مش مدممن بس حتى لو عاهر


مواطن يتعمل فيه كدة ليه؟؟
ويتشوةه بالمنظر دة ليه باى حق وباى عرف وباى قانون وباى مبدا انسانى وباى ملة وباى دين


حتى لو فيه من العبر مايكفى البشر كلهم
ليه يتجازى بالطريقة دى؟؟؟

ايما كان المبرر والسبب
مرفوض مرفوض مرفوض
دةمواطن مصرى وانسان قبل كونة مواطن
ليه رخصنا نفسنا اوى كدة
؟؟؟؟؟؟؟؟؟؟؟؟؟؟

elsaim said...

انا مع الصديق القائل بأن هذا الفديو لا يوضح أي من الدلائل المكتوبة واء بالنسبة للمتوفي الي رحمة مولاه خالد،أو أن هناك شبهة اتجار بالمخدرات لكل المعروض صورهم به.رجاء من ينشر أن يتحي الدقة حتي لا نتشتت ويضيع الحق فيما بيننا،والله المستعان

mohamed.casper said...

الموضوع اصلا غريب والعجيبة ان فيه شخصين عارفين انهم بيتصوروا ثانيا دول نازلين هزار والحاجات اللى زى دى بتم فى جدية وسرية تامة وبيتفتشوا دا لو تجار عاديين مابالك لو ظباط ثالثا هو ازاى ماسك الموبايل او الكاميرا وبيصور بكل الابعاد دى مع احترامى الشديد الفيديو ده حاسه فبركة او بيدل على شئ تانى غير اللى مات بسببه خالد ياريت يبقا فيه تأكيد وشوية ثقة شوية ماتظلموش النظام الحكومى موش كل الظباط وحشين او بيتاجروا وموش كلهم طيبين ومحترمين فى نفس الوقت ده كمان فيه حاجة تانية عدسة الزوم بتعمل زووم معنى كده انه بيدوس على زووم ده لو افترضان انه حاطه فى جيب القميص وبيصور يبقا ازاى يدوس على زرار الزووم لاحظوا نظرة عين الشخصين موازية للكاميرا بالظبط موش لوجه الشخص اللى بيصور وده دليل انه ماسك الكامير وبيصور وهزات الكاميرا موش فى وضع ثبات ده معناه انه ماسكها
بايده

عند الدقيقة 4:26 لاحظوا بصة الشخص للكاميرا ولو على سبيل اننا نفترض انه مع الشخص اللى ماسك الكاميرا ياجماعة موضوع زى ده لازم يتم تحت ظرف شديد ومايكونش فيه اى نوع من انفعال يبين ويكشف الجريمة او الخطة اللى عاملينها لكن ده بيبص وبيضحك وباين من انفعال البصة نفسه بيحيه على تصويره ليه

عند الدقيقة 2:57 لاحظو اقتراب الشخص من الكاميرا على بعد مسافة كام ده دليل انه شايف انه بيصوروا لانه تفاجأ بمثير خلاه يبعد وشه لورا شوية والمثير اللى اتعرضله لفة الكاميرا ليه والاستجابة بأنه يبعد وشه عن الكاميرا لورا شوية صغيرين

لاحظو كمان عند الدقيقة 3:10 ان ظل الايد اللى ماسك بيها الموبايل باينه على المكتب وباينة بوضوح تام ده معناه انهم عارفين انهم بيصوروه وطبعا ده ضد اللى هما بيعملوه ده لو عبط او شوية مهابيل بيتاجروا مايعملوش اللى بيحصل بس يظهر ان الفيديو ده قديم واتصور فى زمن غير اليومين دول يعنى حادثة قديمة فاصاحب المقطع حب يعمل بلبلة بالموضوع فربط بين الفيديو ده والحادثة اللى حصلت لخالد ياجماعة ماتظنوش بالناس وحش وماتخدكوش الوطنية للخطأ جايز خالد ده يمكن الله أعلم كان بيتاجر اصلا فى الحشيش وجماعة من اللى شغال معاهم خافو لايزيع سرهم راحو قاتلينه

heba said...

انا مش شايفه اي دليل في الفيديو يقول انهم بيتاجروا فيها،ولا انها برضه ضبطيه،،معرفش هما بيعملوا ايه،وازاي بيتصوروا وعادي جدا مفيش مشكله
الحقيقه يعلمها الله،وحسبنا الله ونعم الوكيل فاللي عمل كده في خالد

Anonymous said...

الفيديو ده ملوش علاقة بحاجة ةالناس اللى واقفة شايفة اللى بيصور مفيش حد بيتاجر فى الخدرات هايصور نفسه او يشوف نفسه بيتصور ويسكت ده راييى واللة واهلم والله يرحم خالد ويجيب له حقه حسبى الله ونعم الوكيل

Shams said...

السلام عليكم ورحمة الله وبركاته

اولا اللهم ارحم المسلمين والمسلمات والمؤمنين والمؤمنات الأحياء منهم والأموات
وارحم اللهم خالد واجعل قبره روضة من رياض الجنة والهم اهله الصبر والسلوان امين يارب العالمين
ثانيا ياجماعة نحن لانعرف كل ملابسات القضية وعلينا تحري الدقة جيدا جدا
فسبحانه وتعالى يقول
"يَاأَيُّهَا الَّذِينَ ءَامَنُوا إِنْ جَاءَكُمْ فَاسِقٌ بِنَبَأٍ فَتَبَيَّنُوا أَنْ تُصِيبُوا قَوْمًا بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ"

كما قال رسول الله صلى الله عليه وسلم
عن أبي هريرة -رضي الله تعالى عنه- قال: قال رسول الله صلى الله عليه وسلم: كفى بالمرء كذبا أن يحدث بكل ما سمع أخرجه مسلم.

وده لينك شرح الحديث
http://www.taimiah.org/Display.asp?f=13arbeen00026.htm

Anonymous said...

مهما كان ضبطية الفيديو او حبكه او صحته برضه ما ننساش منظر المرحوم خالد
ليه التعذيب ده ؟
وبرضه مش ساكتين

Anonymous said...

حسبناالله ونعم الوكيل في اللى عمل كده في هذا الشاب اصل دول اتنزعت من قلوبهم الرحمة بس برده ربنا كبير وفوق كل ظالم ومفترى وقادر على انه يجيب حق خالد وغيرة من المظلومين اللى مانعرفش عنهم حاجة لان اكيد في شباب كتير بيحصل فيهم كده واكتر

عبده البرماوي said...

يجب الربط بين هذا الفيديو وقضايا متتالية عن تبديد احراز وتغييرها فى الاسكندرية وصدر الحكم مؤخرا على ضابط ووكيل نيابة فى قضية منها كشفها احد المحامين.. الشريط بيقول خمسه وتمانين كيلوا حشيش متحرزين، بيقال ان القضية لم تذهب للنيابة بكامل الحرز، بل بجزء فقط منه بالاتفاق مع التجار وان المخبرين قاموا بتوزيع باقى الكمية لصالحهم.. هنا تجئ خطورة شريط خالد.. انه اتهام صريح بقضيتين، تبديد احراز وتضليل العدالة بناء عليها، والثانية تجارة المخدرات

للتأكد من صدقية ذلك لابد من مراجعة قضايا المخدرات ومطابقتها بصور التجار الواضحة فى الشريط وبيان هل هناك قضية حرزت فيها خمسة وثمانين كيلو من الحشيش ام كانت الكمية اقل وتمت خنسرة الباقى

هذا عن الدافع.. اما بافتراض ان خالد هذا تاجر مخدرات فهل لفردى امن اقرار عقوبة بحقه واعدامه فى الشارع على مرأة ومسمع من الناس، هذه جريمة قتل كاملة الاركان.. هل كان معهما اوامر ضبط، ما الغرض من توجههما لمنطقة بابست.. هل هناك توثيق لمتابعتهما تحقيقا او ما شابه..

خونة القسم من الاطباء والمسعفين هل يمكن مقارنة شهاداتهم بشهادة الاطباء الذين اشار عم حسن الى انهم كشفوا على خالد وتبينوا وفاته (منهم صيدلى) وهل يمكن جمع اكبر قدر من الشهادات المصورة لجيران خالد لتبيين مدى زيف ما قيل بحق خالد

Anonymous said...

فعلا الفيديو ده مش بيبين انها عملية بيع واتجار والا كانو هيخافو اصلا ومش ينفع الحاجات دى تتصور بكل وضوووووووح كده ده واحد منهم واقف فى وسطيهم وبيصور عاااااادى خااااااالص يعنى ممكن تكون فعلا ظبطيه لو هى كده بقى لييييييه يعملوا فى خالد كل ده عشان فيديو ظبطيه بيبين اد ايييييه حكومتنا اسمالله عليها صاحيه وشغااااااااله
برضه فى حااااجه غلط ومش واضحه واى كانت الاسباب ده مش يديهم حق يعملوا فيه كده
شويه كلاااااااااااب مالهمش لازمه ولا سعر يعملوا فى شاب زى ده كده
اقل مافيها الاتنين دول يتسحلوا زى الشاب المصرى اللى اتسحل فى لبنان بس دول يتسحلوا جوا بلدهم هنا عشان يعرفو انهم مالهمش تمن وانهم احقر من انهم ياخدو سلطه فوق سلطتهم
حسبى الله ونعم الوكيل فيهم وفى حكومتهم وفى الوزير اللى نايم فى مية البطييييييخ ربنا ياخده هو وحكومته كلهااااااااااااا

Anonymous said...

To Mohamed.Casper:
I really liked your way of analyzing the video, but with all my respect i have a one comment on this part"جايز خالد ده يمكن الله أعلم كان بيتاجر اصلا فى الحشيش وجماعة من اللى شغال معاهم خافو لايزيع سرهم راحو قاتلينه " Now we started to judge Khaled Allah Yer7amou and we started to "Nazon Sou2", which is by anyways is not accepted.
If Khaled was "بيتاجر اصلا فى الحشيش" as you wrote, this was his own problem, and his own deeds, but still is not an excuse for any one to do what they did to him.

نظافة مثالية said...

تتشرف شركة المثالي جروب للنظافة الشاملة بالمنطقة الشرقية بتقدم شركة تنظيف منازل بالخبر والتي تقدم افضل خدمات تنظيف المنازل والشقق والفلل والمجالس والكنب والسجاد والموكيت بالاعتماد عليافضل الامكانيات الحديثة والعمالة الماهرة وخبرة عشرات السنوات بمجالات التنظيف لجميع اركان المنزل وكل مع يحيط به فمع شركة تنظيف بالخبر تستطيعون الحصول علي افضل جودة ممكنة لتنظيف المنازل بارخص الاسعار المثالية

شركة تنظيف منازل بالخبر
شركة تنظيف بالخبر

نظافة مثالية said...

تقدم شركة المثالي جروب للنظافة العامة احدي خدماتها المتميزة بمحافظة القطيف والتي يبحث عنها الكثير من اهالي محافظة القطيف الا وهي شركة تنظيف منازل بالقطيف والتي تقدم خدمات تنظيف المنازل - تنظيفالشقق - تنظيف الفلل -تنظيف المجالس - تنظيف البيوت - تنظيف الخزانات -تنظيف المسابح والتي من خلاللها تستطيع شركة المثالي جروب لخدمات التنظيف تقديم افضل خدمات النظافة العامة بمحافظة القطيف بالاعتماد علي كافة الاسليب الحديثة والعمالة الماهرة فمع شركة تنظيف منازل بالقطيف انتم دائما في امان فلدينا

شركة تنظيف منازل بالقطيف
شركة تنظيف بالقطيف
شركة تنظيف مجالس بالقطيف
شركة تنظيف شقق بالقطيف
شركة تنظيف فلل بالقطيف